<p style="text-align: center;"><strong>अन्त्यका समयहरूको निम्ति आत्मिक युद्ध</strong></p> <p>धेरै मानिसहरू विश्वास गर्दछन्, दुष्टता एउटा &ldquo;के&rdquo; हो । तर वास्तविकतामा दुष्टता एउटा &ldquo;को&rdquo; हो । तपाईले यो सत्यताको सामना नगरूञ्जेल तपाई र तपाईको परिवार अन्ततः त्यो दुष्टको शिकार हुनसक्छ ।</p> <p>इतिहासको यस घडीमा हामी संसारभरि आघातका झट्&zwnj;काहरू पठाइरहेको द्वेष र दुराशयको अपूर्व वृद्धि देखिरहेका छौं । विश्वासका सबै मानिसहरू बुभन खोजिरहेका छन् कि यी घटनाहरू कहीँ यस युगको अन्त्यको आरम्भको चिन्ह त होइनन् ।</p> <p>हामीले सामना गर्नुपर्ने सत्यचाहिँ कुनै व्यक्ति, अर्थात् हाम्रो शत्रु शैतानले संसारमा मानिसहरू र राष्ट्रहरूलाई छल्न, विस्थापित गर्न र नष्ट पार्न खोज्दैछ । क्रिश्चियनहरूको नाताले हामी बुझ्दछौं, मण्डलीले यी सबैबारे केही कुरा गर्नुपर्छ । प्रश्न हो, के गर्नुपर्छ त ? हामी कसरी यो शत्रुसँग लड्छौं ? हामी कसरी यो युद्ध जित्छौं ?</p> <p>यी खतरनाक समयहरू भएतापनि तपाई र मैले डराउनुपर्ने केही कुरा छैन । उत्तरहरू छन्, र तीमध्ये केहीलाई डेरेक प्रिन्सले लेख्नुभएको यो शक्तिशाली र समयोचित पुस्तक &ldquo;अन्त्य समयको निम्ति आत्मिक युद्ध&rdquo; मा प्राप्त गर्न सकिन्छ ।</p> <p>डेरेक यहाँ कुनै कसर बाँकी राख्नुहुन्न । त्यसको सट्टा पर्दा पछाडि लुकेर बस्दै आएको शैतानलाई उहाँ उघारि दिनुहुन्छ । मण्डलीले गर्न आवश्यक कुरा र त्यसलाई कसरी गर्नुपर्दछ त्यसको रूपरेखा उहाँ यस पुस्तकमा ठीकसँग खिँच्नु हुन्छ ।</p> <p>सुरुको एउटा अध्यायमा डेरेक यस्तो कुरा भन्नुहुन्छ,</p> <p>&ldquo;यहाँ मेरो विश्वास छ, शैतानले हामीलाई अन्धकारमा राखिरहन चाहन्छ । हामीले जान्नुपर्ने कुराबाट शैतानले हामीलाई टाढा राख्न चाहने एउटा सत्य छ र त्यो सत्य हो : हामीसँग त्यसको राज्यलाई समाप्त गर्ने अधिकार छ । हामीले यो कुरा नबुझुञ्जेल हामी यो काम गर्नेछैनौं । तर हामीले यो बुझ्यौं भने हामीले यो कार्य गर्ने निश्चय गर्नुपर्दछ ।&rdquo;</p> <p>यी भनाइहरूले यो महत्वपूर्ण पुस्तकको उद्देश्यलाई समेट्छ । तपाईले &ldquo;अन्त्यका समयको निम्ति आत्मिक युद्ध" पढेर सिध्याउने बेलासम्म शैतानको राज्य नष्ट गर्ने अधिकार र शक्ति हामीसँग छ भन्ने कुरा तपाई निश्चय नै बुझ्नुहुनेछ ।</p> <p>आत्मिक युद्धमा डेरेक प्रिन्सको विशेषज्ञताको साठी वर्षको लाभ हामी यस पुस्तकमा पाउँछौं र यसभित्र यस्ता रोचक र उपयोगी सामग्रीहरू छन् जसले गर्दा तपाईले यसलाई पढ्न सुरु गर्दा अन्तिम पृष्ठ नपल्टाउञ्जेल पुस्तक हातबाट तल राख्नुहुनेछैन । प्रथम पृष्ठबाटै तपाई बुझ्नुहुनेछ, तपाई जस्तो आत्मिक विजेता हुन सृजना गरिनुभएको छ, त्यस्तै हुन तपाई एउटा असाधारण तालीम दिने क्षेत्रमा प्रवेश गर्नुभएको छ ।</p> <p>डेरेक प्रिन्स मिनिष्ट्रिजमा यस पुस्तकले मण्डलीलाई आफ्नो पूर्ण सामर्थ्यमा ल्याउनमा निर्णायक भूमिका खेल्नेछ भन्ने कुरामा हाम्रो विश्वास छ । परिणाम के हुनेछ त ? हाम्रा प्राणको शत्रुविरूद्धको लडाइँमा क्रिश्चियनहरू विजयको एकदमै संघारमा पुग्नेछन् । अन्त्यमा, हाम्रो गवाहीको वचन र हाम्रो जीवनलाई मृत्युसम्मै प्रेम नगरिकन तपाई र मैले शैतानको राज्यलाई थुमाको रगतले एकैचोटि सदाको निम्ति ढाल्नेछौं ।</p> <p>यस पुस्तकको निम्ति हाम्रो आशा छ, यसले हामीलाई प्रभु येशू ख्रीष्टको नाउँमा त्यो महान् र अन्तिम विजय हासिल गर्न सहायता गर्नेछ । यो हाम्रो नियुक्ति हो र यो उहाँमा हाम्रो नियति हो ।</p> <p>डेरेक प्रिन्स मिनिष्ट्रिजको अन्तर्राष्ट्रिय प्रकाशन दल (इन्टरनेसनल पब्लिशिङ्ग टिम)</p>

<p>आफ्&zwnj;ना जोडी कसरी चिन्ने वा छान्ने ? साथै सफल दाम्पत्य जीवनको रहस्यहरू केके हुन् ? पास्टर ओम कुमार राईको अर्को प्रस्तुती ईसाई साहित्यमा अर्को उपहार स्वरूप आएको छ ।</p> <p>ईसाई जगतमा लेखिएका धेरै पुस्तक, कथा संग्रह, कविता र भजनहरू नभएका होइनन् तर पनि पा. राईको यस पुस्तकले सरलता र समय सान्र्दभिकको साथसाथै परमेश्वरको जीवित वचनबाट उधृत पदहरूको जीवन्तता प्रदान गरेको छ ।</p> <p>विवाह जस्तो जटिल प्रश्नहरूको सटिक प्रमाण सहितको प्रेरणादायी समाधानहरू परमेश्वरको वचनबाट लिइएकोले पनि यसका पाठकहरूले अवश्य एक उचित निर्णय लिन सक्नेछन् भन्ने विश्वास लिएको छु ।</p> <p>आजको आधुनिक युगमा, सर्वसुलभ भौतिक र संचार सुविधाको संजालमा व्यस्त युवा समाज, नचाहँदा नचाहदै पनि अश्लीलताको जालमा फसिरहेको परिस्थितिमा यस पुस्तकले सुरक्षित अवतरणमा मद्दत मिल्नेछ । दाम्पत्य जीवनमा तनाव हुँदैछ वा बिग्रन लाग्दैछ भने यो पुस्तक त्यस्ता पाठकहरूको लागि असल औषधीको काम गर्नेमा विश्वस्त छु । नव दम्पत्ती र विवाहित जोडीको निम्ति पनि यो पुस्तकले आशिषमा लग्ने कुरामा निश्चिन्त छु ।</p> <p>अन्त्यमा हाम्रा परमेश्वर पिताको प्रेम, प्रभू येशू खीष्टको अनुग्रह र पवित्र आत्माको संगति र अभिषेकले यस्तै समय सापेक्ष सदुपयोगी पुस्तकहरूको आशा राख्दै सफलताको निम्ति बधाई दिन चाहन्छु ।</p>

<p><strong>हृदयको घाउ, मनको चोट भनेको के हो ?</strong></p> <p>"हृदयको घाउ&rdquo; र &ldquo;मनको चोट&rdquo; भनेका प्रतीकात्मक शब्दहरू हुन्, जसले मानिसको भावनात्मक पीडा, दुःख वा गहिरो चोटलाई जनाउँछ ।লাচ</p> <p><strong>क) हृदयको घाउ :</strong></p> <p>यो शब्दले प्रेम, विश्वास वा सम्बन्धमा आएको गहिरो चोटलाई जनाउँछ ।</p> <p><strong>जस्तै :</strong></p> <p>&bull; कसैले धोका दिदा</p> <p>&bull; अपेक्षा पूरा नहुँदा</p> <p>&bull; प्रियजन गुमाउँदा</p> <p>यस्तो चोटले मानिसलाई गहिरो रुपमा पीडा दिन्छ, जसलाई शब्दमा व्यक्त गर्न गाह्रो हुन्छ ।</p> <p><strong>ख) मनको चोट :</strong></p> <p>यो व्यापक अर्थमा प्रयोग हुन्छ । यो कुनै पनि घटनाले मानिसको मनोबल, आत्मसम्मान वा भावनात्मक स्थायित्वमा असर पर्दा अनुभव गरिने पीडालाई जनाउँछ ।</p> <p>जस्तैः अपमान, असफलता वा अस्वीकृति हुँदा मनमा चोट लाग्दछ ।</p> <p>यी चोटहरू देखिँदैनन् तर यसले गहिरो असर पुऱ्याउन सक्छन् । समय, माया र समर्थनले मात्र यस्तो घाउ निको हुन्छ भन्ने विश्वास गरिन्छ ।</p> <p>हृदयमा लागेको घाउ, मनमा भएको चोटको दीर्घकालीन उपचार र यसको निदान मानिसबाट सम्भव नै छैन ।</p> <p>किनकी मानिसले दिने समय, माया र समर्थनमा स्वार्थ लुकेको हुँदछ । त्यसैले यसको उपचारको लागि निःस्वार्थ रुपमा समय, माया र समर्थन दिने बाइबलले भनेको येशू ख्रीष्टको खाँचो छ ।</p>

<p>&ldquo;संसारले आफ्&zwj;नै बुद्धिद्वारा परमेश्&zwj;वरलाई चिन्&zwj;न नसकेको हुनाले उहाँको बुद्धिअनुसार हामीले प्रचारेको सुसमाचारको मूर्खताद्वारा नै विश्&zwj;वास गर्नेहरूलाई बचाउन परमेश्&zwj;वरले उचित ठहराउनुभयो।&rdquo;</p> <p>&ndash; १ कोरिन्थी १:२१; ने.बा.सो. संस्करण</p> <p>येशूको मृत्युभन्दा अगाडिका पछिल्ला १८ घण्टाहरूलाई यति विस्तृत रूपमा वर्णन गरिएको पुस्तक पहिला कहिल्यै लेखिएको थिएन । यस पुस्तकमा तपाईंलाई ती सात क्षणहरूको हृदयस्पर्शी यात्रामा लगिनेछ, जुन क्षणमा येशूको शरीरबाट रगत बगेको थियो । ती सात हृदयस्पर्शी क्षणहरूद्वारा नै तपाईंको जीवनमा क्रूसका सात आश्चर्यहरू सम्भव हुनसक्छन् ।<br />येशूको शरीरबाट रगत बगेका ती सात क्षणहरू दुर्घटनावश भएका होइनन् । प्रत्येक पल भविष्यसूचक घटना थियो, जसका बारेमा सयौँ वर्षपहिला नै अगमवाणी भएको थियो । ती घटनाहरू परमेश्&zwj;वरद्वारा उत्प्रेरित तथा उहाँको इच्छाअनुसार पूरा भएका थिए, अनि ती कुराको कार्यान्वयनचाहिँ रोमी सिपाहीहरूले गरेका थिए । जसरी प्रायश्&zwj;चितको महान् दिनमा प्रधान पुजारीलाई बलिदान गरिएको जनावरको रगत सात पटक जमिन मा छर्कने आज्ञा दिइएको थियो, त्यसरी नै येशूको रगतले सात पटक जमिनलाई भिजायो । येशूले हाम्रा लागि सिद्ध बलिदान गर्नुभयो भनी यदि हामी विश्&zwj;वास गर्छौं भने, परमेश्&zwj;वरका पुत्रको रगतले हाम्रो जीवनलाई छेड्नेछ र आश्&zwj;चर्य माथि आश्चर्य ल्याउनेछ ।<br />यस पुस्तकमा बुनिएका व्यक्तिगत गवाहीहरूले क्रूसका आश्चर्यहरूलाई यति नजिक ल्याउँछन् कि क्रूसका सात आश्चर्य हरू एकसाथ यस पृथ्वीका मानिसहरूका लागि परमेश्&zwj;वर पिताबाटको एउटा&nbsp;उदेकको उपहार बन्छन् भनी तपाईंले पत्ता लगाउनुहुनेछ ।</p>